بحبك معرفش ليه .... !!

بحبك يا بلدي
بحبها وهي بترابها وبنيلها
وعنيها السودا المكحلة
بحبها زي ماهيا
بكل مافيها وكل ما فيا
بحبك
بحبك وانتى حضناني
جوة عينك وماسكاني
بحبك وانتى معدياني طريق مسدود
وانتى ماسكة ايدي بعيونك السود
وانتى واقفة جوة قلبي بترقصي
وانتى جنبي جوة ودني بتهمسي
ذكريات جوايا ..
حلوة ،،، وحشة ... لايمكن تتنسي
ياااااااااااااااه بحبك ..
معرفش ليه
جوة قلبي قاعدة مربعة
معرفش ليه
واقفة وقفة متدلعة ...
معرفش ليه
بنت حلوة .. بنت جدعة
اختى .. امى ..
حبيبتي .. بنتي..
مبسالش مين او ليه
المهم انى بحبك
جوايا عايشة ..
وف قلبي ماشية
جنب الاورطة
بتخرجيني من الف ورطة
راكب اتوبيس بشرطة ....

اسلام منسي