الخميس، 4 سبتمبر، 2008

بحبك معرفش ليه .... !!



بحبك يا بلدي
بحبها وهي بترابها وبنيلها
وعنيها السودا المكحلة
بحبها زي ماهيا
بكل مافيها وكل ما فيا
بحبك
بحبك وانتى حضناني
جوة عينك وماسكاني
بحبك وانتى معدياني طريق مسدود
وانتى ماسكة ايدي بعيونك السود
وانتى واقفة جوة قلبي بترقصي
وانتى جنبي جوة ودني بتهمسي
ذكريات جوايا ..
حلوة ،،، وحشة ... لايمكن تتنسي
ياااااااااااااااه بحبك ..
معرفش ليه
جوة قلبي قاعدة مربعة
معرفش ليه
واقفة وقفة متدلعة ...
معرفش ليه
بنت حلوة .. بنت جدعة
اختى .. امى ..
حبيبتي .. بنتي..
مبسالش مين او ليه
المهم انى بحبك
جوايا عايشة ..
وف قلبي ماشية
جنب الاورطة
بتخرجيني من الف ورطة
راكب اتوبيس بشرطة ....

اسلام منسي

هناك 13 تعليقًا:

hager za3bal يقول...

بحبك وانتى معدياني طريق مسدود
وانتى ماسكة ايدي بعيونك السود
وانتى واقفة جوة قلبي بترقصي
وانتى جنبي جوة ودني بتهمسي
ذكريات جوايا ..
حلوة ،،، وحشة ... لايمكن تتنسي

عجبتني اوي الحته دي
بجد جميله اوي يا اسلام
بس تفتكر ايه اللي بيربطنا بالبلد؟؟
تفتكر -بس- الناس وذكرياتنا مه اللي بنحبهم وقريبين منهم؟؟

اسلام منسي يقول...

يا بنتى بحبك معرفش ليه
اسم القصيدة
التعلق بالبلد مش لازم ندورله على سبب
ده زي التعلق بالام والاب
بالاخ والاخت
بحبك معرفش ليه
فيها حاجات حلوة وحاجات وحشة
بنحب فيها الاتنين

mr_english80 يقول...

الله على شعرك الجميل
بس مصر شوهوها و دمروها
بس على رأيك ما نقدرش ما نحبهاش
ملحوظة:
ساعة المدونة عايزة تتظبط
ابو مهيرة

mr_english80 يقول...

sorry
time is ok
i was wrong

MAHA el-MOHAMADY يقول...

الله عليك يا اسلام فعلا احنا بنحبها منعرفش ليه انا عايزة اعملك كوبى وبست للقصيدة كلها لان كلمة كلمة عاجبانى اوى احنا فعلا البلد دى هى حبنا ومربعة فى قلبنا
تسلم ايدك وربنا يوفقك

غير معرف يقول...

مروه ابراهيم
اسلاام بجد من اجمل الحاجات اللى كتبتها
بلدنا تستهال اكتر من كده بس احنا نحبها بجد ونحافظ عليها ونفكر فيها شويه
هيه محتاجنا دلوقتى اكتر من اى وقت تانى بلاش نفكر نروح لغيرها

حياتي كلها لله يقول...

السلام عليكم
أنا بس حبيت أقولك إن المدونة جميلة ...و عجبني الموضوع اللي فيه صحابك ده ...لإني حسيت فيه أن مشاعرك صادقة بجد .."ربنا يخليكو لبعض"
أتمني دوام التواصل


تحياتي
د/سلمي

Mohamed Hamdy يقول...

بجد خطيره خطيره خطيره
تحياتى

اسلام منسي يقول...

د/ سلمى
ربنا يكرمك يارب
وبجد مبوسط من تعليقك قوي
تحياتي

اسلام منسي يقول...

محمد حمدي
فرحتني وحياة ربنا
تعليقك ده خلاني فرحان وحسسني اني فعلا بعمل حاجة
لما حد زيك جميل ورائع ومشغووول يهتم بقراية مدونتي
دي حاجة روووووعة
ربنا يخليك
وتحياتي وقبلاتي ليك يا قمر

samamasr يقول...

جميلة مدونتك جدا..بجد

اسلام منسي يقول...

سما مصر
بجد بجد
زودتيني ثقة بنفسي بتعليقك ده
واوعدك قريب جدا هتشوفي مواضيع تعجبك اكتر واكتر
اتمنى تكوني على اتصال دائم

Rannon يقول...

بنحبها
وكتير بنسأل ليه؟؟
مش عارفين السبب
ولا عارفين بنسأل ليه..
المهم اننا بنحبها

حلوة قوي يا إسلام


تحياتي :)