السبت، 25 يوليو، 2009

مبحبكيش!!!

مبحبكيش!!!
مقدرش أقول مبحبكيش
مقدرش أكره لون عنيكي
ولا كلمة توصف حبي ليكي
مقدرش من غيرك أعيش


مبحبكيش!!!
مين ده اللي يقدر يوم يقولها
أو حتى يعرف معنى قولها
أو يوم يفكر إنه من غيرك يعيش

مبحبكيش!!!
فكرة مش على بالي خالص
ولو هاموت من غيرها
أحسن لي أموت.. بناقص

مبحبكيش!!!
مقدرش أقول مبحبكيش
مقدرش حتى في يوم أقولها
أو في يوم أحط فتلة في طرف نولها

مقدرش أتخيل حروف الكلمة ديا
أو حتى أجرح بيها ودنك
وابقى استاذ للأزية

مبحبكيش!!!
مقدرش أقول مبحبكيش


اسلام منسي 20-7-2009

هناك 4 تعليقات:

Rannon يقول...

ياجامد :)

حلوة قوي

اسلام منسي يقول...

ميرسي يا رنا
ربنا يخليكي

Hager Za3bal يقول...

بوست جديد بقي يا اسلام :)

بلاش تسيب المدونه مهجوره كده

اسلام منسي يقول...

قريب ان شاء الله يا هاجووو