الخميس، 12 يونيو، 2008

العيب على مين ..... !!!!


العيب على اللى سابهم يقعدو على القهوة مساواة باكبار ....
واللا العيب على الشارع اللى بقى العيب فيه عادي وطبيعي
وان طلع العيب من اهل العيب ....
واللا العيب على البيت
واللا العيب على المدرسة .... ده لو العيال دول كانو راحوها من اصله
واللا العيب على النظام
واللا العيب على ايه بالظبط

هناك 8 تعليقات:

صبري سراج يقول...

العيب في النظام

Mohamed Hamdy يقول...

العيب على الكبير الى اداهم القدوه الغلط

انا مش ضد الطفل المدون .. انا ضد الانسان المدخن اساسا

كركوبة يقول...

العيب فينا احنا
تفتكر كل واحد فينا عمل ايه لطفل من دول لما شافه بيتسول او بيبيع مناديل او نايم تحت كوبري
اكبر حاجه ممكن يدخل ايده ف جيبه ويخرج منها جنيه او حتة خمسة جنيه ده لما يبقى هو اساسا يا ما هنا ويا ما هناك
بس ف كل الاحوال الفلوس مش حل طبعا
بس حد فينا سأل الطفل ده ايه اللي مقعده ف الشارع
او فكر ياخده لمركز من المراكز اللى بتأوى الأطفال دى
طبعا لأ
كلنا بنبص ب عنيننا وساكتين
لازم المجتمع ينهار
تحياتى/ كركوبة

مصطفى فتحي يقول...

جميلة المدونة يا اسلام
يلا شد حيلك اكتر من كدة
عايزين افكار اكتر
وموضوعات اجمد
و
و
بحبك

Rana يقول...

العيب على المجتمع وعلى الأهل وعلى الناس اللي شايفينهم وسايبينهم

الصورة دي صعبة قوي بجد :(

dr_samarmar يقول...

فى الأصل العيب فى البيت

و بعدين الباقى كله مشترك معاه

رؤى نزار يقول...

لا دي بجد مصيبة
اساسا المفروض انو صاحب القهوة يتسجن و كمان يعملو استدعاء لاولياء امور الولاد دول
دا المفروض

اسلام منسي يقول...

مبدايا انا مش فاهم ازاي لغاية دلوقتي مرديتش عليكم فى الموضوع ده
بس يكفيني فخرا انه شرفني احلى ناس فيه
صبري سراج مفيش كلام يكفيك طبعا ورايك فى الجون
.. محمد حمدي .. كلام سليم لانه بيدخل فى الاساس نفسه
.. مصطفى فتحي.. رايك تعرف كويس قوي انه وسام على صدري وانا مش بحبك انا بموت فيك
...رنا ... لو الصورة صعبة ممكن تقدمي التماس هههههههه
... العيب على المجتمع وعلى الأهل وعلى الناس اللي شايفينهم وسايبينهم
dr_samarmar ...
صح كلامك بس ده لو الولاد دول اصلا عندهم بيت
.. رؤى .. هو ده المفروض .. بس الموضوع هنا بيقول العيب على مين مش المفروض يحصل ايه
انا لو رئيس حي او حتى شيخ حارة للمنطقة اللى فيها القهوة هقفلها اصلا
لكن من الاساس ايه سبب قعدة دول كدة
.........
ربنا يستر علينا