بحبك ومش قلقان

بحبك ومش قلقان
وراح اعشق عيونك دول بحُرية
ولو حواليكي ميت بركان
هعديهم...
وهاخد ايدك الناعمة في ايدية
ولو حاوطوكي بالأحزان
هاحبك برضه بعنيا
واعديكي...
واخرَج قلبك النونو من حُزنُه
وامِد ضلوعي لجفونك معدية

معاكي..
مش هاعيش الليل لوحديا
خلاص فاتت سنين الوحدة والاحزان
ومات الدمع في عيوني
وماتت ذكريات بايخة
في يوم كانت محاوطاني

بحبك حب مالهوش زي
حب مابيعرفش غير النور
ولو بيني وبينك سور
هعديلك..
وهاطلعلك من القمقم بقلب جسور

يا حب العمر.. ليكي العمر
وليكي الحب ..
وليكي كل ما في الكون

يا أحلى عيون
بحبك ومش قلقان
ومش فاكر من الأيام... غير صوتك
وكلمة قلتيهالي زمان
بحبك.. ومش قلقان

25-7-2009